საქართველოს საავტორო უფლებათა ასოციაცია განცხადებას ავრცელებს

საქართველოს საავტორო უფლებათა ასოციაცია განცხადებას ავრცელებს. როგორც „ინტერპრესნიუსს“ საქართველოს საავტორო უფლებათა ასოციაციიდან აცნობეს, აღნიშნულ სფეროში უკანასკნელ პერიოდში დაძაბულობაა.

ამასთან, საქართველოს საავტორო უფლებათა ასოციაცია (GCA) განმარტავს, რომ რუსეთის მფარველობის ქვეშ მყოფი ჯგუფი ცდილობს, ქვეყანაში საავტორო უფლებების მართვის და ჰონორარების მიღებისა და განაწილების უფლება მოიპოვოს. GCA-ში აცხადებენ, რომ ალტერნატიული ორგანიზაციის შექმნით ამ მიმართულებით სიტუაცია მნიშვნელოვნად გაუარესდება და სწორედ ეს არის რუსეთის გეგმაც.

„როგორც მოგეხსენებათ, რუსეთის მფარველობის ქვეშ შექმნილი საორგანიზაციო ჯგუფი ცდილობს საავტორო უფლებების სფეროში ალტერნატიული ორგანიზაციის შექმნას. გამომდინარე იქიდან, რომ მათი ეს მცდელობა ეწინააღმდეგება კანონს, ისინი, ბინძური ხერხებით ცდილობენ მოახდინონ ასოციაციის დისკრედიტაცია და მისი საქმიანობის დეზორგანიზება. მთელი ამ პერიოდის განმავლობაში ვრცელდებოდა არაერთი ტყუილი, თუმცა ამჯერად, მათი მოქმედება ყოველგვარ ზღვარს გასცდა. საქმე ეხება, გაზეთ „ასავალ დასავალის“ 1-7 აპრილის ნომერში, ასოციაციის თავმჯდომარის, გიგა კობალაძის მიმართ გამოქვეყნებულ, რბილად რომ ვთქვათ აბსურდულ ბრალდებას. სტატიაში, გიგა კობალაძე, ვისი პრინციპული პოზიციის გამოც ამ სფეროში რუსული აგრესია გამოაშკარავდა, წარმოჩენილია როგორც რუსეთის სპეცსამსახურების თანამშრომელი. ვფიქრობთ, რომ მსგავსი ხერხებით ბრძოლა სცილდება ყველა დასაშვებ ნორმას და მნიშვნელოვნად აზიანებს ქართველ ავტორ-შემსრულებელთა ინტერესებს, ამასთანავე ეს ყველაფერი კიდევ ერთხელ ადასტურებს საავტორო უფლებების სფეროში რუსეთის ინტერესების გატარების მცდელობას. გარდა ამისა, მიგვაჩნია, რომ სახელმწიფოს შესაბამისი უწყებები უნდა დაინტერესდნენ ამ საეჭვო ორგანიზაციის და მის უკან მდგომი პირების საქმიანობით“, - ნათქვამია განცხადებაში.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ