ბიძინა ივანიშვილის ინიციატივა, ხიბულაში გაკეთდეს სახლმუზეუმი, ეროვნული და საშვილიშვილო საქმეა,- ასე ეხმაურება ზუგდიდის მაჟორიტარი დეპუტატი მერაბ ქვარაია პარტია ,,ქართული ოცნება-დემოკრატიული საქართველოს“ თავმჯდომარის ბიძინა ივანიშვილის ინიციატივას ხიბულაში ზვიად გამსახურდიას სახელობის მუზეუმის გახსნის შესახებ.
„ბატონი ბიძინა ივანიშვილის ინიციატივა, რომ ხობის მუნიციპალიტეტში სოფელ ხიბულაში, ოჯახში, სადაც ცხოვრების უკანასკნელი დღეები და წუთები გაატარა საქართველოს პირველმა პრეზიდენტმა ზვიად გამსახურდიამ, გაკეთდეს მისი სახელობის მუზეუმი, ეს არა მარტო მნიშვნელოვანი საქველმოქმედო საქმეა, არამედ ჭეშმარიტად ეროვნული , საშვილიშვილო ინიციატივაა. ეს ადგილი გახდება სიმბოლო ბრძოლის, სამშობლოს სიყვარულის, ერთგულების, თავგანწირვის და ყოველთვის გაახსენებს მომავალ თაობებს ჩვენი ქვეყნის ეროვნული გმირების ღვაწლსა და თავდადებას", - განაცხადა პარლამენტის პლენარულ სხდომაზე მერაბ ქვარაიამ.