ხორავას ქუჩაზე მომხდარი მკვლელობის პროკურორი - დაცვის მხარის დასკვნითი სიტყვა იყო ყოველგვარ სამართლებრივ საფუძველს მოკლებული

დაცვის მხარის დასკვნითი სიტყვა იყო ყოველგვარ სამართლებრივ საფუძველს მოკლებული და კონტექსტიდან ამოვარდნილი პერეფრაზებით, - ამის შესახებ ჟურნალისტებს სასამართლო პროცესის დასრულების შემდეგ ხორავას ქუჩაზე მომხდარი მკვლელობის საქმის პროკურორმა, თორნიკე ნადირაძემ განუცხადა.

"დღეს, დაცვის მხარის დასკვნითი სიტყვის ნაწილი მოვისმინეთ. ჩვენი შეფასებით, დაცვის მხარის დასკვნითი სიტყვა იყო ყოველგვარ სამრთლებრივ საფუძველს მოკლებული და კონტექსტიდან ამოვარდნილი პერეფრაზებით. დაცვის მხარე ფონს გასვლას ინტერპრეტირებული ფრაზებით ცდილობდა. მესმის ისიც, რომ მათ სხვა გზა არ დარჩენიათ, რადგან ის მტკიცებულებები, რომელიც სასამართლო პროცესზე უნდა წარმოედგინათ, არ წარმოადგინეს, რადგან ფიზიკურად არ არსებობს. საუბარია, ექსპერტიზის დასკვნაზე, წინააღმდეგ შემთხვევაში, ამ მტკიცებულების წარმოდგენა მოხდებოდა. დაცვის მხარე ცდილობს აბსოლუტურად არაადეკვატური და ჩამოუყალიბებელი პოზიციებით ფონს გასვლას.აბსოლუტურად ვერ უპირისპირდება ბრალდების მხარის შეფასებას და მტკიცებულებათა ანალიზს, რომელიც დასკვნით სიტყვაში ჩამოვაყალიბეთ", - აცხადებს ნადირაძე.

მისი განმარტებით, სასამართლო ობიექტურ გადაწყვეტილებას გამოიტანს და ორივე მსჯავრდებულს სცნობს დამნაშავედ დავით სარალიძის ჯგუფურ მკვლელობაში. "მიგვაჩნია, რომ დაცვის მხარის პოზიცია იმდენად უსაფუძვლოა, სასამართლო აბსოლუტურად ობიექტურ გადაწყვეტილებას მიიღებს. საუბარია, იმ კვალიფიკაციაზე, რომელიც ორივე ბრალდებულს თავიდანვე ჰქონდა წარდგენილი: გ.ბ.,სა და გ.ჯ.-ს მიერ ჯგუფურ მკვლელობას წინასწარი შეცნობით არასრულწლოვნის მიმართ დავით სარალიძის ეპიზოდთან მიმართებაში.ასევე, გ.ბ.-ს მიერ ორი ან მეტი პირის განზრახ მკვლელობა ლევან დადუნაშვილის ეპიზოდთან მიმართებაში ", - აცხადებს ნადირაძე.

შეგახსენებთ, რომ 2017 წლის პირველ დეკემბერს მომხდარი მკვლელობის საქმეზე, რომელსაც დავით სარალიძისა და ლევან დადუნაშვილის სიცოცხლე ემსხვერპლა, ორი არასრულწლოვანი გ.ჯ და გ.ბ არიან მსჯავრდებულები.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
Wolt - კვლავ ღამის 3 საათამდე