თბილისში, ტექნიკის მაღაზია „პისი შოპის“ მენეჯერის თემურ ჯაკობიას ინფორმაციით, მაღაზია უკვე მეოთხედ გაქურდეს.
მარჯანიშვილის ქუჩაზე მდებარე ტექნიკის მაღაზიიდან მოპარულია 14 ნოუთბუქი. როგორც მაღაზიის მენეჯერმა ,,ინტერპრესნიუსს” განუცხადა, ეს ბოლო ორ წელში მაღაზიის გაქურდვის მეოთხე შემთხვევაა.
„დღეს, გამთენიისას, მაღაზიაში შემოიჭრა სამი ახალგაზრდა მამაკაცი, რომელმაც ჩაამტვრია ცენტრალური კარის მინა. მოპარულია 14 ნოუთბუქი. სამწუხაროდ, ბოლო ერთი თვის განმავლობაში ეს ქურდობის უკვე მეორე ფაქტია. მიმდინარეობს გამოძიება. ველოდებით გამოძიების შედეგს”, - განაცხადა თემურ ჯაკობიამ.