ჟინვალი-ბარისახო-შატილის გზის გაწმენდა მიმდინარეობს

ჟინვალი-ბარისახო-შატილის გზის გაწმენდა ინტენსიურ რეჟიმში მიმდინარეობს, - ამის შესახებ „ინტერპრესნიუსს“ საავტომობილო გზების დეპარტამენტიდან აცნობეს.

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზაზე, თოვლისა და ზვავებისგან გზის გაწმენდითი სამუშაოები აქტიურად მიმდინარეობს. 70 კმ-მდე მონაკვეთი უკვე გაწმენდილია და ამ ეტაპზე, სამუშაოები უღელტეხილზე გრძელდება. აღნიშნული გზა შატილამდე მისასვლელი ცენტრალური გზაა.

ადგილზე ყოველდღიურად, 5 ერთეული ტექნიკა მუშაობს. ჟინვალი-ბარისახო-შატილის საავტომობილო გზა ჯამში 106 კილომეტრია.

ჟინვალი-ბარისახო-შატილის საავტომობილო გზა, დიდთოვლობის გამო, ყოველწლიურად ოქტომბერ-ნოემბერში იკეტება და გაზაფხულზე, მეტეოროლოგიური პირობების გაუმჯობესების შემდეგ იხსნება“, - ნათქვამია ინფორმაციაში.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს