კახა კალაძემ „თბილსერვის ჯგუფს“ კონკრეტული ლოკაციების დასუფთავება დაავალა

თბილისის მერმა კახა კალაძემ დედაქალაქის მთავრობის სხდომაზე, „თბილსერვის ჯგუფს“ კონკრეტული ლოკაციების დასუფთავების დავალება მისცა. ერთ-ერთი ადგილი, რომელიც კალაძემ გამოყო, ვერეს ხეობაში მდებარეობს. კალაძის თქმით, ვაკე-საბურთალოს დამაკავშირებელ გზასთან არსებულ ფერდობზე საგანგაშო ვითარებაა და აუცილებელია ამ ტერიტორიის მოწესრიგება.

„მინდა ასევე კიდევ ერთი დავალება მოგცეთ დასუფთავების თვალსაზრისით. თქვენ ამას რა თქმა უნდა ყოველდღიურ რეჟიმში აკეთებთ, მაგრამ ამ კონკრეტულ ადგილზე, რომელსაც გეტყვით, ალბათ დაგვჭირდება ადამიანების განსაკუთრებული რაოდენობის მობილიზება, რომ მოვაწესრიგოთ ეს ადგილი, რომელიც უმძიმეს მდგომარეობაშია და სამწუხაროდ ეს არის ქალაქის ცენტრში. თამარაშვილიდან, როდესაც ახალ გზაზე გადავდივართ, ვაკე-საბურთალოდან რომ გადმოვდივართ ახალ გზაზე, ვერეს ხეობა რაც არის, თუ არ ვცდები წყნეთის ქუჩაა, ფერდი საშინლადაა დანაგვიანებული. ჩემი თხოვნა იქნება, რომ მაქსიმალურად დავასუფთაოთ და მოვაწესრიგოთ ის ტერიტორია. გარდა ამისა ადგილობრივ მოსახლეობასაც ვთხოვოთ, რომ ხევში ნაგვის გადაყრა კატეგორიულად მიუღებელია და პირველ რიგში, მათ უნდა გაითვალისწინონ ეს. იქ ცხოვრობენ და მგონია, რომ არავის არ სიამოვნებს ასეთ მდგომარეობაში ცხოვრება, რაც ახლა ხდება ამ კონკრეტულ ლოკაციაზე“, - აღნიშნა კალაძემ და აქვე დასძინა, რომ რთული რელიეფის მიუხედავად, აღნიშნული ტერიტორიის მოწესრიგება შესაძლებელია.

„ასევე თბილისის გასასვლელ-შემოსასვლელები აუცილებლად უნდა დასუფთავდეს. არ არის კარგი მდგომარეობა და ჩემი თხოვნა იქნება, რომ ამ მიმართულებითაც ვიმუშაოთ და მოვაწესრიგოთ“, - განაცხადა კახა კალაძემ.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს