გიორგი კანდელაკი - საარჩევნო სისტემის საკითხზე მთავრობასა და ოპოზიციას შორის რეალური დიალოგი უნდა შედგეს

საარჩევნო სისტემის საკითხზე უნდა შედგეს რეალური დიალოგი მთავრობასა და ოპოზიციას შორის, - ამის შესახებ "ევროპული საქართველოს" წევრმა გიორგი კანდელაკმა პრესკონფერენციაზე განაცხადა. მან ასევე ისაუბრა ევროპარლამენტარების მიერ მამუკა ბახტაძის სახელზე გამოგზავნილ წერილზე, სადაც, მისი თქმით, ევროპარლამენტარები საარჩევნო სისტემაზე საუბრობენ.

„წერილს ევროპარლამენტის წევრების ჯგუფი აქვეყნებს და ხაზგასმით მინდა აღვნიშნო, რომ მას ხელს აწერენ მაღალი პოლიტიკური წონის ფიგურები. ეს წერილი ეხება პროპორციულ სიაზე გადასვლას. ამჟამინდელი შერეული სისტემა, რაც საქართველოს გააჩნია, არის რისკის შემცველი მომავალი პოლიტიკური სტაბილურობისთვის. ამიტომ თუ კარგია პროპორციული საარჩევნო სისტემა 2024 წელს, რატომ არის იგი ცუდი 2020 წელს?! „ევროპული საქართველო“ ამ საკითხთან დაკავშირებით აგროვებს ხელმოწერებს პროპორციულ სისტემაზე 2020 წელს გადასასვლელად. უდავოა, რომ მთავრობამ ყურად უნდა იღოს რჩევები და საარჩევნო სისტემის საკითხზე შედგეს რეალური დიალოგი მთავრობასა და ოპოზიციას შორის", -განაცხადა კანდელაკმა.

მისივე თქმით, ევროპარლამენტარების წერილში ასევე ხაზგასმულია, რომ კონსენსუსი პარტიებსა და სამოქალაქო სექტორს შორის მიღწეულია და მხოლოდ „ქართული ოცნება“ ეწინააღმდეგება.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს