სოფო კილაძე პირადი ცხოვრების კადრების გავრცელებაზე - თუ ვერ ხერხდება ჩვენი რესურსით ამ საქმის გამოძიება, მაშინ საერთაშორისო ექსპერტები უნდა ჩავრთოთ

თუ ვერ ხერხდება ჩვენი რესურსით, მაშინ საერთაშორისო ექსპერტები უნდა ჩავრთოთ ამ საქმის გამოძიებაში, - ასე გამოეხმაურა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე გუშინ ინტერნეტში პირადი ცხოვრების ამსახველი კადრების ატვირთვის ფაქტს.

„ეს საკითხი არის ბოლომდე მისაყვანი და ძალიან სამწუხაროა, რომ ვერ მოხდა ე.წ. დამკვეთებზე გასვლა და მუდმივად ვრცელდება ეს კადრები. ვფიქრობ, რომ თუ ვერ ხერხდება ჩვენი რესურსით, მაშინ საერთაშორისო ექსპერტები მაინც უნდა ჩავრთოთ ამ საქმის გამოძიებაში", - განაცხადა სოფო კილაძემ.