ჭავჭავაძის გამზირზე გამართული აქციის დროს, ადმინისტრაციული სამართალდარღვევის ფაქტზე დაკავებული 6 პირის საქმეზე სასამართლო პროცესი 19 აპრილამდე გადაიდო.

კონსტიტუციური სამართლის სპეციალისტის ვახუშტი მენაბდის განცხადებით, სხდომის გადადების მოთხოვნის მიზეზი საქმის მასალების სრულად გაცნობაა.

"როგორც პროცესზე მოსამართლემ განაცხადა, აქ არ არის ვიდეოკადრები, პოლიციას არ წარმოუდგენია ის ყველაზე მნიშვნელოვანი და უტყუარი მტკიცებულებები, რომლებიც დაადასტურებდა ჩვენს მიმართ წამოყენებულ ბრალდებებს. ისეთებს, როგორიც იყო დაუმორჩილებლობა, ლანძღვა-გინება, ამიტომ ჩვენ ვფიქრობთ, რომ გავეცნოთ ყველა იმ დოკუმენტს, რაც არის ერთი მხრივ, ხოლო მეორე მხრივ, ჩვენ თავად მოვაგროვებთ მტკიცებულებებს, რომელიც მიუთითებს იმაზე, რომ ვმოქმედებდით კონსტიტუციის ფარგლებში და წარვუდგენთ სასამართლოს“, - განაცხადა ვახუშტი მენაბდემ.

იხილეთ ვიდეო