დაბინძურებული ჰაერის გამო ევროპის საშუალო სტატისტიკურ მცხოვრებს სიცოცხლის ორი წელი აკლდება. ამის შესახებ ნათქვამია ჟურნალ European Heart Journal-ში გამოქვეყნებულ ანგარიშში.
ანგარიშში ასევე აღნიშნულია, რომ ყოველწლიურად ევროპაში დაახლოებით 800,000 ადამიანი კვდება ნაადრევად ჰაერის დაბინძურების გამო. ანგარიშის ავტორები აცხადებენ, რომ ჰაერის დაბინძურების გამო სიკვდილიანობის 40%-დან 80%-მდე ინფარქტზე მოდის. მკვლევარები ხაზგასმით აღნიშნავენ, რომ საწვავის დაწვისგან გამოწვეული ჰაერის დაბინძურების პრობლემა შესაძლოა, გადაიჭრას სუფთა და განახლებად ენერგოწყაროებზე გადართვით, რაც თავის მხრივ, შეამცირებს სიკვდილიანობას.