ქეთევან ციხელაშვილმა მარნეულში საქართველოს აზერბაიჯანელთა საინტეგრაციო ცენტრი გახსნა

შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა, აზერბაიჯანის რესპუბლიკის დიასპორის საკითხთა სახელმწიფო კომიტეტის თავმჯდომარესთან ფუად მურადოვთან ერთად, მარნეულში საქართველოს აზერბაიჯანელთან საინტეგრაციო ცენტრი გახსნა.

ერიგებისა და სამოქალაქო თანასწორობის საკითხებში სახელმწიფო მინისტრის აპარატის ცნობით, ცენტრი მრავალპროფილური იქნება და მასში იფუნქციონირებს ქართული და აზერბაიჯანული ენის, ისტორიის შემსწავლელი კურსები, სპორტული წრეები და ა.შ.

სახელმწიფო მინისტრმა შეკრებილ საზოგადოებას სიტყვით მიმართა და განაცხადა, რომ ქვეყანაში სამოქალაქო ინტეგრაციის მიღწევა უმთავრესი ამოცანაა, რაც იმას ნიშნავს, რომ თითოეული მოქალაქე, განურჩევლად ეთნიკური და რელიგიური კუთვნილებისა, თანასწორია.

„სახელმწიფო ყველაფერს გააკეთებს იმისათვის, რომ შექმნას პირობები, როცა ჩვენი თითოეული მოქალაქე მაქსიმალურად რეალიზებული იქნება. იმედი მაქვს, აღნიშნული ცენტრის გახსნა ამ მიმართულებით გადადგმული ერთ-ერთი ნაბიჯი იქნება და სწორედ სამოქალაქო ინტეგრაციის ამოცანებს დაეხმარება. მახარებს ის, რომ ახალგაზრდები აქტიურები არიან, ძალიან ბევრი იდეა და პროექტია. ესაა თაობა, რომლებიც მშობლიურ ენასთან ერთად სახელმწიფო ენასაც ფლობენ. ასევე თავის პროფესიას, ძალიან კარგად. ვფიქრობ, ქვეყნისათვის, ჩვენი საერთო სახელმწიფოსათვის, ეს ნამდვილი შენაძენია, ახალი ძალა, რომელმაც აუცილებლად უნდა თქვას თავისი სიტყვა და ქვეყნის განვითარების საქმეში წვლილი შეიტანოს. მადლობა მინდა გადავუხადო ყველას, ვინც ამაში გვეხმარება. სტუმრებს აზერბაიჯანიდან, რა თქმა უნდა, ძალიან დიდი მადლობა სტუმრობისა და ჩართულობისათვის. საქართველოსა და აზერბაიჯანს სტრატეგიული ურთიერთობები და მეგობრობა აკავშირებს. ეს, რა თქმა უნდა, მომავალშიც გაგრძელდება და მინდა ამ ცენტრს საქმიანობაში წარმატება ვუსურვო“, - განაცხადა ქეთევან ციხელაშვილმა.

საზოგადოებას სიტყვით აგრეთვე მიმართეს აზერბაიჯანის რესპუბლიკის დიასპორის საკითხთა სახელმწიფო კომიტეტის თავმჯდომარე ფუად მურადოვმა, საქართველოს პარლამენტის მაჟორიტარმა დეპუტატებმა და ადგილობრივი ხელისუფლების წარმომადგენლებმა.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან