ბათუმი-ქობულეთის შემოვლით გზაზე ავტობუსი დაიწვა. შემთხვევის შედეგად არავინ დაშავებულა. როგორც თვითმხილველებმა განაცხადეს, ავტობუსში მხოლოდ მძღოლი იმყოფებოდა.
ხანძრის გამო, ბათუმი-ქობულეთის შემოვლით გზაზე სატრანსპორტო მოძრაობა შეფერხებული იყო. ავტობუსი მთლიანად დაიწვა. ხანძრის გამომწვევი მიზეზები უცნობია.
შემთხვევის ადგილზე სახანძრო და სამაშველო ბრიდაგები არიან მობილიზებული. ხანძარი ამ დროისათვის ლიკვიდირებულია. შემთხვევის ადგილზე სამართალდამცველები იმყოფებიან და მიმდინარეობს გამოძიება.