მთავრობამ ცენტრალური საარჩევნო კომისიისთვის 4 მილიონ 466 ათასს 910 ლარი გამოყო. შესაბამის განკარგულებას ხელი პრემიერ-მინისტრმა მამუკა ბახტაძემ უკვე მოაწერა.
თანხა ფინანსთა სამინისტრომ საქართველოს 2019 წლის სახელმწიფო ბიუჯეტის შესახებ საქართველოს კანონით გათვალისწინებული საქართველოს მთავრობის სარეზერვო ფონდიდან გამოიყო.
თანხა 19 მაისს გასამართი საქართველოს პარლამენტის შუალედური, მუნიციპალიტეტების მერების რიგგარეშე და საკრებულოების შუალედური არჩევნების ჩატარების დაფინანსებას მოხმარდება.