ლევან იზორია - ჩვენ გავხდებით ნატო-ს წევრი ქვეყანა!

ჩვენ მომავალში გავხდებით ნატო-ს წევრი ქვეყანა - საერთაშორისო მიღწევები ძალიან საამაყოა თითოეული ქართველისთვის და მინდა ეს გავუზიარო თითოეულ ადამიანის, რადგან ეს არის საერთო წარმატება, - ამის შესახებ თავდაცვის მინისტრმა, ლევან იზორიამ "ინტერპრესნიუსის" კითხვის საპასუხოდ განაცხადა.

ლევან იზორიას განცხადებით, საერთაშორისო პარტნიორებისა და ალიანსის წევრი ქვეყნები, დადებითად აფასებენ საქართველოს თავდაცვის სამინისტროს მიერ განხორციელებულ რეფორმებს, რისი დასტურიც არის უპრეცედენტო სწავლება, რომელიც საქართველოში გასულ კვირას ჩატარდა და ის საერთაშორისო შეხვედრები, რომელშიც საქართველო მონაწილეობს.

თავდაცვის უწყების ხელმძღვანელმა ყურადღება აშშ-ს, როგორც მთავარი პარტნიორთან არსებულ წარმატებასა და მიღწევებზეც გაამახვილა.

"დღეს ნატო-ს დაარსების დღეა და შეგნებულად გადავწყვიტე ამ დღეს წარვმსდგარიყავი "მინისტრის საათის" ფორმატში. საუბარს დავიწყებ იმ პროგრესზე, რაც ნატო-საქართველოს ურთიერთობებს ეხება და რომლის დასტურია გასულ კვირას ჩატარებული ის უპრეცედენტო სწავლება, რომელიც საქართველოში გაიმართა. ამის დასტურია მაღალი დონის ვიზიტები და განსაკუთრებით, ის აღიარება და მხარდაჭერა, რაც საქართველოს და თავდაცვის უწყებას აქვს იმ რეფორმების განხორციელების შედეგად, რომელიც ბოლო წლებში განვახორციელეთ და რომელიც გვაძლევს მტკიცე საფუძველს ვთქვათ - ჩვენ მომავალში გავხდებით ნატო-ს წევრი ქვეყანა. საუბარი ასევე შეეხება მთავარ პარტნიორთან, აშშ -სთან უპრეცედენტო თანამშრომლობის დინამიკას, რომელიც გამოიხატება მზარდ ფინანსურ დახმარებაში, აღჭურვაში, ერთობლივ სწავლებაში და მომავალი თანამშრომლობის გეგმებში. მიღწევები ძალიან საამაყოა თითოეული ქართველისთვის და მინდა, ეს გავუზიარო თითოეულ მოქალაქეს, რადგან ეს არის საერთო წარმატება", - განაცხადა ლევან იზორიამ.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
"სილქ როუდ ჯგუფის" განცხადება "საქანელას" პროექტის შესახებ