დღეს, ფიფა-მ ეროვნული საფეხბურთო ნაკრებების ახალი რეიტინგი გამოაქვეყნა. ამის შესახებ sportall.ge წერს.
საქართველოს ეროვნულმა ნაკრებმა განახლებულ რეიტინგში 3 ადგილით უკან დაიწია და 1256 ქულით 94-ე ადგილზეა.
ბოლოს, 7 თებერვალს გამოქვეყნებული რეიტინგის შემდეგ საქართველოს ნაკრებმა ორი მატჩი გამართა - თბილისში შვეიცარიასთან 0:2, დუბლინში კი ირლანდიასთან 0:1 დამარცხდა.
ფიფას რეიტინგს კვლავ ბელგიის ნაკრები ლიდერობს, მეორე საფრანგეთია, მესამე პოზიციას კი ბრაზილია იკავებს.