გარემოსდაცვითი ზედამხედველობის დეპარტამენტი - 117 სახეობის მცენარეული ნიმუშიდან გენმოდიფიცირებული არც ერთი არ აღმოჩნდა

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი მცენარეების სხვადასხვა სახეობას ცოცხალი გენმოდიფიცირებული ორგანიზმების შემცველობაზე სისტემატურად ამოწმებს.

გარემოს ზედამხედველობის დეპარტამენტის ინფორმაციით, 2015 წლიდან დღემდე, საქართველოს ყველა რეგიონში, დეპარტამენტის ბიომრავალფეროვნების კონტროლის სამსახურის ცოცხალი გენმოდიფიცირებული ორგანიზმების კონტროლის განყოფილების სპეციალისტებმა, დაახლოებით 561.205 ჰა სასოფლო-სამეურნეო დანიშნულების მიწის ნაკვეთზე, მაღალი რისკის შემცველობის მქონე მცენარეული სახეობის 177 ერთეული ნიმუში შერჩევითი წესით შეამოწმეს.

მისივე ცნობით, ლაბორატორიული კვლევისთვის სიმინდის, ხორბლის, კარტოფილის, ნესვის, საზამთროს, იონჯას, სოიოსა და ლობიოს ნიმუშები აიღეს.

მისივე ინფორმაციით, კვლევამ აჩვენა, რომ ეს მცენარეული სახეობები არ შეიცავს გმო მარკერებს, რაც ადასტურებს, რომ ისინი ცოცხალ გენმოდიფიცირებულ ორგანიზმებს არ წარმოადგენს.

ცნობისთვის, კანონმდებლობით, ცოცხალი გენმოდიფიცირებული ორგანიზმების გარემოში კულტივირება აკრძალულია. კანონდარღვევის გამოვლენის შემთხვევაში, გარემოსდაცვითი ზედამხედველობის დეპარტამენტის მიერ კანონით გათვალისწინებული ღონისძიებები გატარდება.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს