პრემიერ-მინისტრის მამუკა ბახტაძის განცხადებით, ჩეხეთმა საქართველო უსაფრთხო კატეგორიის ქვეყნების სიაში შეიყვანა. ამის შესახებ პრემიერმა მთავრობის სხდომის დაწყებამდე გამართულ პრესკონფერენციაზე განაცხადა.

მისი თქმით, ჩეხეთის ეს გადაწყვეტილება, საქართველოში ადამიანის უფლებების დაცვის მხრივ და უსაფრთხოების თვალსაზრისით არსებულ დადებით გარემოს კიდევ ერთხელ უსვამს ხაზს.

„ჩეხეთის რესპუბლიკამ საქართველო უსაფრთხო კატეგორიის ქვეყნების სიაში შეიყვანა. ევროკავშირის ზონაში ჩეხეთი მეთორმეტე ქვეყანაა, რომელმაც ეს გადაწყვეტილება მიიღო და მე მსურს, მადლობა გადავუხადო ჩვენს მეგობრებს. ჩეხეთის ეს გადაწყვეტილება კიდევ ერთხელ ხაზს უსვამს საქართველოში ადამიანის უფლებების დაცვის მხრივ და უსაფრთხოების თვალსაზრისით არსებულ ძალიან დადებით გარემოს, პოლიტიკურ სტაბილურობას, რაც აღიარებულია ჩვენი ქვეყნის პარტნიორების მიერ“, - განაცხადა მამუკა ბახტაძემ.