ფრაქცია „ქართული ოცნების“ თავმჯდომარის მამუკა მდინარაძის შეფასებით, ქართული ჯარის მიზანმიმართული დისკრედიტაცია მიმდინარეობს.

მისივე აზრით, ძალიან ხშირად ადგილი აქვს იმის მცდელობას, რომ პოლიტიკურ პროცესებში სამხედრო ძალები ჩართონ.

„ეს არის კამპანიური ხასიათის მოქმედებები, რასაც საზოგადოება კარგად ხედავს. გარდა ამისა, არის კამპანია, რომ თითქოს ხორცი არა აქვთ ჯარისკაცებს და მერე აღმოჩნდება, რომ ეს არის აბსოლუტური ტყუილი, რაზეც შემდეგ აღარავინ რეაგირებს და ბოდიშზე საუბარი ზედმეტია. შეიძლება იდეალურთან მიახლოებული არ ვიყოთ, მაგრამ საქმე კეთდება. ძალიან მნიშვნელოვანია იმიჯზე ზრუნვა - პირდაპირ გეტყვით, რომ ამ მიმართულებით რაღაც გვაკლია. ამ მნიშვნელოვან კომპონენტზე განსაკუთრებული ზრუნვაა საჭირო. ამ მიმართულებით მუშაობაა გასაძლიერებელი“, - განაცხადა მამუკა მდინარაძემ.

პარლამენტის პლენარულ სხდომაზე “მინისტრის საათის“ ფორმატში თავდაცვის მინისტრს, ლევან იზორიას უსმენენ.