პრემიერ-მინისტრის მამუკა ბახტაძის განცხადებით, ის აუცილებლად დაინტერესდება იმ ჩანაწერით, რომელშიც სავარაუდოდ, აჭარის მთავრობის ყოფილი თავმჯდომარე არჩილ ხაბაძე ფიგურირებს.
„მე, ნამდვილად არ ვიცი ამ ჩანაწერის შესახებ. აუცილებლად დავინტერესდები ამ საკითხით და ამის შემდეგ გავაკეთებ კომენტარს,“ - აღნიშნა ბახტაძემ.
გავრცელებულ ჩანაწერში არჩილ ხაბაძე სავარაუდოდ აცხადებს, რომ „ქართული ოცნების“ მოქმედ დეპუტატებს აჭარაში გარკვეული ბიზნეს ინტერესები ჰქონდათ, რაც მან არ დააკმაყოფილა. ხაბაძის თქმით, სწორედ ამას შეეწირა მისი თანამდებობა.