9-10 აპრილს პრემიერ-მინისტრი მამუკა ბახტაძე ევროპის საბჭოში შეხვედრებს გამართავს. ამის შესახებ მამუკა ბახტაძემ დღევანდელ ბრიფინგზე განაცხადა და ევროპის საბჭოს როლზე ისაუბრა.
„9-10 აპრილს დაგეგმილია ვიზიტი ევროპის საბჭოში. ვიზიტის ფარგლებში მე სიტყვით მივმართავ ევროპის საბჭოს საპარალმენტო ასამბლეას, ამასთან ერთად გაიმართება ორმხრივი შეხვედრები. აღსანიშნავია, რომ წელს ევროსაბჭო აღნიშნავს დაარსების 70 წელს, ხოლო საქართველო ევროპის საბჭოში გაწევრიანების 20 წლის იუბილეს. ამ ორგანიზაციამ მართლაც ფასდაუდებელი დახმარება გაუწია ჩვენს ქვეყანას განვითარების ყველა ეტაპზე, მათ შორის ჩვენი ქვეყნის უსაფრთხოების განმტკიცების თვალსაზრისით. მე ვფიქრობ, ძალიან საინტერესო შეხვედრები გვექნება მომავალ კვირას და ბუნებრივია, ვისაუბრებთ ყველა იმ აქტუალურ საკითხზე, რომელიც გვაქვს საქართველოში“,- განაცხადა პრემიერ-მინისტრმა.