იაგო ნებიერიძის საქმეზე დღეს იმ სახლის მესაკუთრეები დაიკითხნენ, სადაც მკვლელობა მოხდა

იაგო ნებიერიძის ბრალდების სისხლის სამართლის საქმეზე ის ორი მოწმე დაიკითხა, რომლებიც იმ სახლის მესაკუთრეები არიან, სადაც მკვლელობა მოხდა, - ამის შესახებ ჟურნალისტებს გორში 9 წლის ნანიკო ბერიაშვილის მკვლელობის საქმეზე ბრალდებული იაგო ნებიერიძის ბრალდების სისხლის სამართლის პროკურორმა ზურაბ წერეთელმა განუცხადა.

როგორც პროკურორი განმარტავს, დღეს დაკითხული ხუთივე მოწმის ჩვენება მნიშვნელოვანი იყო, რადგან მათი ჩვენებებით იაგო ნებიერიძის ამ საქმესთან შემხებლობა დგინდება.

"დღევანდელ სასამართლო სხდომაზე დაიკითხა 5 მოწმე, მათ შორის ორი გამომძიებელი, რომლებმაც დაადასტურეს მათ მიერ ჩატარებული საგამოძიებო მოქმედებების სისწორე. მათ სასამართლოს მიერ განხორციელებულ ქმედებებთან დაკავშირებით მიაწოდეს ინფორმაცია. ასევე დაიკითხა ორი მოწმე, რომლებიც იმ სახლის მესაკუთრეები არიან, სადაც ეს ფაქტი მოხდა და რომლის ჩადენაშიც ბრალი იაგო ნებიერიძეს ედება. მათ დაადასტურეს, რომ მათთან ნებიერიძე ნამდვილად მუშაობდა. აღნიშნული სახლი მშენებარე იყო და იქ არავინ ცხოვრობდა, მეპატრონეები იქ არ იმყოფებოდნენ. დაიკითხა ასევე მეზობლად მცხოვრები ქალი, რომელმაც მისთვის ცნობილი ინფორმაცია მიაწოდა სასამართლოს. მათი ჩვენებებით იაგო ნებიერიძის ამ საქმესთან შემხებლობა დგინდება. კონკრეტული დეტალების პასუხის გაცემისგან, თავს შევიკავებ", - აცხადებს წერეთელი.

ნებიერიძის ადვოკატი მარიამ პაპოშვილი კი, ბრალდების მხარეს უდანაშაულობის პრეზუმფციის დარღვევასა და საზოგადოებაზე ზემოქმედებაში ადანაშაულებს.

„მოწმეებმა ისაუბრეს, თუ როგორ მოხდა იმ ტერიტორიის დათვალიერება, სადაც ეს ინციდენტი, უბედურება მოხდა. ბრალდების მხარე ზემოქმედებს საზოგადოებაზე, ისინი უდანაშაულობის პრეზუმფციას არღვევენ. თუ უკვე ბრალი დამტკიცებული აქვთ, შეწყვიტონ მაშინ პროცესი, ასე არ შეიძლება! ჯერ კიდევ ბევრი მტკიცებულება აქვთ გამოსაკვლევი, აქამდე გამოკვლეულით, ჯერ ვერ დაამტკიცებენ ნებიერიძის ბრალეულობას", - აცხადებს პაპოშვილი.

შემდეგი სასამართლო სხდომა 11 აპრილს, 12.00 საათზე დაინიშნა.

იხილეთ ვიდეო: გორში 4 წლის გოგოს მკვლელობის საქმე - სასამართლო პროცესზე მოწმის სახით, იმ სახლის მესაკუთრეები დაიკითხნენ, სადაც მკვლელობა მოხდა

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ