როდესაც ვამბობ, რომ ყველა ჩვენი რეფორმა არის ნატო-ს შეკავებისა და თავდაცვის პოლიტიკასთან თანხვედრაში, რა თქმა უნდა, რუსეთიდან მომდინარე საფრთხეებს ვგულისხმობ - ყველაფერი, რაც ჩვენი თავდაცვისუნარიანობის გაძლიერებისათვის კეთდება, პირველ რიგში, ამ საფრთხეების შეკავებასა და თავდაცვას გულისხმობს, - აღნიშნული განცხადება პარლამენტის ტრიბუნიდან თავდაცვის მინისტრმა ლევან იზორიამ გააკეთა.
“მთელი ჩვენი კონცეფცია, ჩვენი თავდაცვის ძალების მიდგომები მიმართულია იმისკენ, რომ თანხვედრაში იყოს ნატო-ს სტრატეგიებთან. ნატო-ს მთავარი პოლიტიკა არის შეკავებისა და თავდაცვის პოლიტიკა და ნატო ამ პოლიტიკის ფარგლებში სხვა არაფერზეა მიმართული თუ არა რუსეთიდან მომდინარე საფრთხეებზე“, - განაცხადა ლევან იზორიამ.
პარლამენტის პლენარულ სხდომაზე “მინისტრის საათის“ ფორმატში თავდაცვის მინისტრს ლევან იზორიას უსმენენ.