კავკასიის საერთაშორისო უნივერსიტეტი მე-2 საერთაშორისო სკოლა-კონფერენციის - „გამოყენებითი ბიომეცნიერებები და ბიოტექნოლოგია - 2019“ - დასკვნით დღეს უმასპინძლებს. ამის შესახებ „ინტერპრესნიუსს“ კავკასიის საერთაშორისო უნივერსიტეტიდან აცნობეს.

კავკასიის საერთაშორისო უნივერსიტეტისა და თბილისის სახელმწიფო უნივერსიტეტის მიერ ორგანიზებული სკოლა-კონფერენცია 1-5 აპრილს, შოთა რუსთაველის ეროვნული სამეცნიერო ფონდის მხარდაჭერით მიმდინარეობს.

უნივერსიტეტებთან ერთად, სკოლა-კონფერენციას უმასპინძლეს პარტნიორმა ორგანიზაციებმა - საქართველოს სოფლის მეურნეობის სამინისტროს ლაბორატორია; დაავადებათა კონტროლისა და საზოგადოებრივი ჯანმრთელობის ეროვნული ცენტრი; საქართველოს ბიოტექნოლოგიის ასოციაცია.

სკოლა-კონფერენციის მიზანია საქართველოში ხელი შეუწყოს ბიოტექნოლოგიისა და გამოყენებითი ბიომეცნიერებების დარგის განვითარებასა და პოპულარიზაციას, ქართველ და უცხოელ მეცნიერთა შორის ცოდნისა და საერთაშორისო გამოცდილების გაზიარებასა და ახალგაზრდა მეცნიერთა პროფესიულ ზრდას. სკოლა-კონფერენციის თემატიკა მრავალფეროვანია და მიზნად ისახავს წარმოაჩინოს ინოვაციური, ბიოტექნოლოგიური გადაწყვეტილებების პოტენციალი ჩვენი საზოგადოებისა და პლანეტის სასიკეთოდ.