ევროკავშირის დაფინანსებით შსს-ს  საექსპერტო-კრიმინალისტიკურ დეპარტამენტს თანამედროვე სტანდარტების შესაბამისი ახალი აღჭურვილობა გადაეცა

შინაგან საქმეთა სამინისტრომ, ევროკავშირის მიერ დაფინანსებული და უკრაინის მეცნიერებისა და ტექნოლოგიების ცენტრის მიერ განხორციელებული პროექტის ფარგლებში თანამედროვე სტანდარტების შესაბამისი, საექსპერტო-კრიმინალისტიკური ახალი აღჭურვილობა მიიღო, - ამის შესახებ „ინტერპრესნიუსს“ შინაგან საქმეთა სამინისტროდან აცნობეს.

მათივე ინფორმაციით, პროექტის ფარგლებში, შინაგან საქმეთა სამინისტროს საექსპერტო-კრიმინალისტიკურ დეპარტამენტს სპეციალური აღჭურვილობისა და კომპლექტაციის ორი მიკროავტობუსი გადმოეცა, რომელიც ქიმიური, ბიოლოგიური და ბირთვულ-რადიაციული საფრთხეების აღმოჩენის, იდენტიფიცირებისა და გაზომვების სპეციალური ლაბორატორიულ სისტემებს მოიცავს.

აღჭურვილობა საშუალებას იძლევა, მოხდეს ქიმიური, ბიოლოგიური, ბირთვულ-რადიაციული საფრთხეების იდენტიფიცირება, რისკის შემცველი შემთხვევის ადგილის დათვალიერება და მტკიცებულებების ამოღება-დამუშავება.

ასევე, აღჭურვილობა მოიცავს სპეციალურ ლაბორატორიულ სისტემებს, სწრაფი იდენტიფიცირების ტესტებს, რადიაციის ფონის განმსაზღვრელ დოზიმეტრებს და სხვა სპეციალურ საშუალებებს, რომელთა გამოყენებით შესაძლებელია აღნიშნული საფრთხეების აღმოჩენა და იდენტიფიცირება.

აღსანიშნავია, რომ სპეციალურ მიკროავტობუსებში დამონტაჟებული ქიმიური და რადიაქტიული ნივთიერებების მაიდენტიფიცირებელი ხელსაწყოები, საშუალებას იძლევა შინაგან საქმეთა სამინისტროს საექსპერტო-კრიმინალისტიკური დეპარტამენტის მიერ შემთხვევის ადგილზევე ჩატარდეს პირველადი კვლევა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ