პრემიერ-მინისტრი 5 აპრილს გურიას ეწვევა

საქართველოს პრემიერ-მინისტრი მამუკა ბახტაძე 5 აპრილს გურიის რეგიონს ეწვევა, - ამის შესახებ „ინტერპრესნიუსს“ პრემიერ-მინისტრის ადმინისტრაციიდან აცნობეს.

მთავრობის მეთაური 12:00 საათზე ჩოხატაურის მუნიციპალიტეტის სოფელ შუა სურების ახლად აშენებულ საჯარო სკოლას დაათვალიერებს, ასევე ესტუმრება ნასაკირალის სკოლას, სადაც ადგილობრივ მოსახლეობასაც შეხვდება.

ჩოხატაურის მუნიციპალიტეტიდან მამუკა ბახტაძე ოზურგეთში გადაინაცვლებს. 14:30 საათზე პრემიერი ოზურგეთში ალ.წუწუნავას სახელობის დრამატული თეატრის რეკონსტრუქციის პროცესს გაეცნობა, რომელსაც ფონდი „ქართუ“ ახორციელებს. პროექტის ღირებულება 18 მილიონ ლარს შეადგენს და მისი დასრულება 2019 წლის ნოემბერში იგეგმება.

მთავრობის მეთაური ასევე დაათვალიერებს პროფესიულ კოლეჯ „ჰორიზონტს“, სადაც 15:00 საათზე გურიაში ტურიზმის განვითარების სტრატეგიის პრეზენტაცია გაიმართება. დოკუმენტი ევროკავშირის საგრანტო კონკურსის გამარჯვებული პროექტის - „მონაწილეობითი პრინციპები გურიის ტურიზმის განვითარების სტრატეგიისთვის“ ფარგლებში შემუშავდა, რომელიც ევროკავშირმა 374 000 ევროს ოდენობის გრანტით დააფინანსა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ