მამუკა ბახტაძე - ძლიერი სახელმწიფოს მშენებლობისთვის მასშტაბური ინვესტიციები განათლებაში არის ერთადერთი სწორი გზა

ძლიერი სახელმწიფოს მშენებლობისთვის მასშტაბური ინვესტიციები განათლებაში არის ერთადერთი სწორი გზა,- ამის შესახებ საქართველოს პრემიერ-მინისტრმა მამუკა ბახტაძემ განაცხადა.

განათლების სისტემის მასშტაბური რეფორმა პრემიერმა საქართველოს დამოუკიდებლობის ისტორიაში ერთ-ერთ ყველაზე გაბედულ ნაბიჯად შეაფასა და აღნიშნა, რომ დღეს არის გამორჩეული დღე, როდესაც მთავრობამ ინიცირება გაუკეთა აღნიშნული გადაწყვეტილების საკანონმდებლო დონეზე გამყარებას.

“ძლიერი სახელმწიფოს მშენებლობისთვის მასშტაბური ინვესტიციები განათლებაში არის ერთადერთი სწორი გზა, მათ შორის ჩვენს გამოწვევებთან გასამკლავებლად. ჩვენ ინიცირება გავუკეთეთ საკანონმდებლო ცვლილებებს, რომლის თანახმად, არსებული და მომავალი მთავრობები ვალდებული იქნებიან, მშპ-ის 6%, ბიუჯეტის მეოთხედი ყოველთვის იყოს მიმართული განათლებაზე, მომავალ თაობაზე და ადამიანური კაპიტალის განვითარებაზე. ჩვენი ინიციატივის საკანონმდებლო დონეზე გამყარების მიზანი სწორედ ის არის, რომ ჩვენ დარწმუნებული ვიყოთ, მომდევნო ათწლეულების განმავლობაში ყველა ხელისუფლება იქნება ვალდებული, ბიუჯეტის მოთხედი მუდმივად მიმართოს განათლებაზე”,- განუცხადა „მოამბეს“ პრემიერმა.

აღნიშნულ ინფორმაციას პრემიერ-მინისტრის ადმინისტრაცია ავრცელებს.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს