მამუკა ბახტაძე - პასუხისმგებლიანი დაკრედიტების სისტემის შემოღებით წარსულს ჩაბარდა ის, რომ ადამიანს საყოფაცხოვრებო ტექნიკის შეძენის გამო, შესაძლოა, ბინა დაეკარგა

პასუხისმგებლიანი დაკრედიტების სისტემის სულისკვეთება და გენერალური ხაზი არ გადაიხედება, - ამის შესახებ საქართველოს პრემიერ-მინისტრმა მამუკა ბახტაძემ “მოამბეში” პირდაპირი ჩართვისას განაცხადა.

მთავრობის მეთაურმა აღნიშნა, რომ ამ საკითხს ბევრი არასწორი ინტერპრეტაცია მოჰყვა, თუმცა საქართველოში რასოდეს დაბრუნდება რეალობა, რომელიც 600 ათასზე მეტ ადამიანს შავ სიაში მოახვედრებს.

“ჩვენ საქართველოში გვქონდა სრულიად უპასუხისმგებლო და ხშირ შემთხვევაში თაღლითური დაკრედიტების სისტემა, როდესაც წინასწარ გაკოტრებისთვის განწირული სესხები გაიცემოდა და კარგად გვახსოვს, რა კაბალურ პირობებთან ჰქონდათ შეხება ჩვენს მოქალაქეებს. ადამიანი აიღებდა სესხს, მაგალითად 1000 ლარს, დაფარავდა ძირ თანხას 800 ლარს, რჩებოდა 200 ლარი და გადაუხდელობის შემთხვევაში კრედიტორი ჯარიმას უანგარიშებდა 1000 ლარიდან. ან სხვა შემთხვევები, როდესაც ადამიანი შეიძენდა საყოფაცხოვრებო ტექნიკას და ამის გამო, შეიძლებოდა, ბინა დაეკარგა; გვქონდა 300, 400, 500%-იანი საპროცენტო განაკვეთი, ეს ყველას კარგად გვახსოვს და ეს წარსულს ჩაბარდა. პასუხისმგებლიანი დაკრედიტების სისტემით შემოღებულია ეფექტური საპროცენტო განაკვეთის ჭერი, მაქსიმალური ლიმიტები ჯარიმებსა და საურავებზე, მათ ნებისმიერ დასახელებაზე, რაც ასევე იყო თაღლითობის ერთ-ერთი მექანიზმი და ამ გენერალურ ხაზს მთავრობა არ გადაუხვევს, ამის იმედი ნურავის ექნება”, - განაცხადა პრემიერმა.

რაც შეეხება კონკრეტულ სექტორებში არსებულ რეგულაციებს, პრემიერმა მათი დაკორექტირების შესაძლებლობა არ გამორიცხა და განაცხადა, რომ თუ ის ხელს შეუშლის პასუხისმგებლიანი დაკრედიტების სისტემის მთავარ სულისკვეთებას, პასუხისმგებელი პირები შესაბამიის გადაწვეტილებებს მიიღებენ.

“სამშენებლო სქტორი არის ჩვენი ეკონომიკისთვის ერთ-ერთი ყველაზე მნიშვნელოვანი, რომელშიც ძალიან ბევრი ადამიანია დასაქმებული. ჩემთვის განსაკუთრებით მნიშვნელოვანია, ჩვენ სამშენებლო სექტორში გვქონდეს დაბალპროცენტიანი იპოთეკური სესხები ლარში, რათა მეტი ხელმისაწვდომობა ჰქონდეთ ჩვნს მოოქალაქეებს. ჩვენი პოლიტიკაც სწორედ ამისკენ არის მიმართული, რომ საპროცენტო განაკვეთები, განსაკუთრებით იპოთეკურ სესხებზე შემცირდეს და მაქსიმალურად ხელმისაწვდომი გახდეს ჩვენი მოქალაქეებისთვის. ბუნებრივია, ამ მიმართულებით ჩვენ ყველაფერს გავაკეთებთ. რაც შეხება კონკრეტულ რეგულაციას, თუ ის ხელს უშლის ამ მთავარ მიზანს - მოქალაქეებისთვის იპოთეკური სესხების ხელმისაწვდომობის უზრუნველყოფას, ბუნებრივია, ის ადამიანები, ვინც პასუხისმგებლები არიან სხვადასხვა უწყებაში ამ საკითხებზე, კონკრეტული სტატისტიკის შემდეგ, აუცილებლად მიიღებენ იმ გადაწყვეტილებას, რომელიც იქნება ობიექტური, სამართლიანი და მოემსახურება ჩვენი საზოგადოების ინტერესებს. თუმცა, კიდევ ერთხელ მინდა, გავავლო წყალგამყოფი ხაზი პასუხისმგებლიანი დაკრედიტების სისტემასა და რეგულაციებს შორის, რომელიც, შესაძლოა, რაღაც დოზით დასაკორექტირებელი იყოს და ეს პრაქტიკამ უნდა გვაჩვენოს. საქართველოში პასუხისმგებლიანი დაკრედიტების სისტემა არ შეიცვლება და ჩვენ არასოდეს დავუბრუნდებით იმ რეალობას, როდესაც 600 ათასზე მეტი მოქალაქე აღმოჩნდა შავ სიაში და ჩვენი აქტიური მოსახლეობის მესამედი მოწყვეტილი იყო შესაძლებლლობას, ეწარმოებინა ნორმალური ეკონომიკური საქმიანობა სამშობლოში. ეს იყო მიუღებელი, ჩვენ ეს შევცვალეთ და ამ წარსულში არასოდეს დავბრუნდებით”, - აღნიშნა პრემიერმა.

აღნიშნულ ინფორმაციას პრემიერ-მინისტრის ადმინისტრაცია ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს