„საერთაშორისო გამჭვირვალობა-საქართველოს" მიერ ჩატარებული საზოგადოებრივი კვლევის შედეგად ცნობილი ხდება, რომ გამოკითხული მოსახლეობის ყველაზე დიდი ნაწილი, 55% სრულად ენდობა ეკლესიას ან რელიგიური აღმსარებლობის ორგანიზაციებს.
კითხვაზე, რამდენად ენდობით ან არ ენდობით ეკლესიას, 19% პასუხობს, რომ უფრო ენდობა ვიდრე არ ენდობა, 17% ნაწილობრივ ენდობა ან არ ენდობა, 4 % საერთოდ არ ენდობა, 5% უფრო არ ენდობა ვიდრე ენდობა.
საზოგადოებრივი აზრის კვლევა „საერთაშორისო გამჭვირვალობა - საქართველოს“ დაკვეთით 2019 წლის 20 თებერვლიდან 5 მარტის პერიოდში „კავკასიის კვლევითი რესურსების ცენტრის” (CRRC) მიერ მთელი ქვეყნის მასშტაბით ჩატარდა. გამოიკითხა 2087 ადამიანი, კვლევის ცდომილება 2,3%-ს შეადგენს.