დავით ჭიჭინაძე კობა გვენეტაძეს - თუ არ მოხვალთ კომიტეტში, მე მოვალ თქვენთან კაბინეტში ხალხთან ერთად, დაგროვილი პრობლემებით

დამოუკიდებელი დეპუტატი დავით ჭიჭინაძე ეროვნული ბანკის პრეზიდენტს პირდება, რომ თუკი ის კომიტეტის სხდომაზე არ მივა, ის თავად მივა მის კაბინეტში იმ პრობლემებით, რომელიც ქვეყანაშია დაგროვილი. როგორც ჭიჭინაძემ აღნიშნა, მას შემდეგ რაც ეროვნულ ბანკს სათავეში კობა გვენეტაძე ჩაუდგა, ხალხი კიდევ უფრო უარეს მდგომარეობაში ჩავარდა.

„ეს კაცი რატომ მოვიყვანეთ?! რა კითხვებიც დაგროვდა, იმაზე გვინდა პასუხები. თურმე მადლობები უნდა ვიხადოთ, რომ მოდიან აქ. რა მნიშვნელობა აქვს რომ მოდიან ეს მინისტრები? ყოველ დღე მათი განცხადებების შემდეგ ქვეყანაში მდგომარეობა უარესდება. მე ამ ადამიანთან ძალიან ბევრი კითხვა დამიგროვდა. აქ არ იძლევა ფორმატი იმის საშუალებას, კითხვა დასვა და პასუხი მოისმინო. მე მაინტერესებს მოხვალთ თუ არა კომიტეტის სხდომაზე? ეს არის ჩემი ერთადერთი კითხვა ამ ფორმატში. თუ არა და მოვალ თქვენთან კაბინეტში პირდაპირ გეუბნებით იმ პრობლემებით, რომელიც არსებობს და იმ ხალხთან ერთად. ბატონო კობა არ მოგცემთ იმის ფუფუნებას, რომ კითხვებს რაც დაგროვდა და იმ უსამართლობას, რომელიც საბანკო სფეროში არსებობს გვერდი ავუაროთ. წელიწადნახევარია ეროვნული ბანკის პრეზიდენტი ხართ და ისეთი უმსგავსობები ხდება თქვენს პერიოდში, რომ ამის ატანა აღარ შეიძლება. ხალხი თქვენი მოსვლის შემდეგ კიდევ უფრო უარეს მდგომარეობაში ჩავარდა“, - განაცხადა ჭიჭინაძემ.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს