განათლების სამინისტროს პროფესიული განვითარების დეპარტამენტის უფროსი - მიმდინარე კვარტლიდან პროფესიული განათლების მასწავლებლების ანაზღაურება 30%-ით გაიზრდება

მიმდინარე კვარტლიდან პროფესიული განათლების მასწავლებლების ანაზღაურება 30%-ით გაიზრდება, - ამის შესახებ "ინტერპრესნიუსს" განათლების სამინისტროს პროფესიული განათლების განვითარების დეპარტამენტის უფროსმა ირინა წეროძემ განუცხადა.

მან ის ცვლილებები განმარტა, რაც ერთი კვირის წინ დამტკიცებული პროფესიული კოლეჯების დაფინანსების ახალი წესის ფარგლებში დაინერგება.

„პროფესიული კოლეჯების დაფინანსების ახალი წესი რამდენიმე ახალ მიმართულებას მოიცავს, მათ შორის ერთ-ერთია კოლეჯებში სტუდენტთა ვაუჩერული დაფინანსება, რაც გულისხმობს პრიორიტეტული დარგების ფარგლებში არსებული პროგრამების დაფინანსებას. მეორე ინიციატივა ეხება უმაღლესი საგანმანათლებლო დაწესებულებების დაფინანსების კუთხით გაზრდილ ვაუჩერებს, იმისთვის, რომ ამ დაწესებულებებმა ადმინისტრაციული ხარჯის დაფარვა შეძლონ. ასევე იცვლება მასწავლებელთა ანაზღაურება, მიმდინარე წლის მეორე კვარტლიდან 30%-ით გაიზრდება ანაზღაურება პროფესიული განათლების მასწავლებლებისთვის“, - განაცხადა წეროძემ.

მისივე თქმით, ცვლილებების მიზანს პროფესიული განათლებით დაინტერესების ზრდა წარმოადგენს, რამდენადაც ქართულ შრომის ბაზარზე პროფესიული კვალიფიკაციის მქონე კადრების დეფიციტია.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ