ნატო-ს მინისტერიალზე მიღებული გადაწყვეტილება უმნიშვნელოვანესია - მთავარი აქცენტი კეთდება შავი ზღვის უსაფრთხოებაზე და პრაქტიკულ ნაწილში ხდება ადეკვატური ნაბიჯების გადადგმა, - ასე გამოეხმაურა პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი ნატოს მინისტერიალს.
მისივე თქმით, საქართველოსთან მიმართებაში საუბარია სანაპირო დაცვის განმტკიცებაზე.
„ასევე საუბარია ნატო-ს სამხედრო ხომალდების შემოსვლაზე შავ ზღვაში მეტი უსაფრთხოების უზრუნველსაყოფად. ეს ის პრაქტიკული ნაბიჯია, რაც ჩვენს ქვეყანას მეტად უსაფრთხოს ქმნის. თავისთავად ცხადია, აქ ქვეყნის მიმართ პარტნიორების დამოკიდებულება კიდევ უფრო გაიზრდება“, - განუცხადა ჟურნალისტებს ირაკლი სესიაშვილმა.