„თიბისი ბანკის“ საქმეში ეროვნული ბანკი ძალიან ცუდად გამოიყურება - აშკარად ჩანს, რომ მისი დამოუკიდებლობა კითხვის ნიშნის ქვეშ არის, - აღნიშნული შეფასება დღეს პარლამენტში დეპუტატმა ეკა ბესელიამ გააკეთა.

„თიბისი ბანკის“ საქმეში, რომელიც 10 წლის წინანდელ ისტორიას ეხება, გარდა კვალიფიკაციისა, ეჭვს იწვევს პროცესი, რომელიც გარკვეულ მოვლენებს ემთხვევა, რამდენად არის სამართლიანი და პროპორციული ეროვნული ბანკის ქმედება და რამდენად არის ის დამოუკიდებელი პოლიტიკური კონტექსტისგან. ეს ყველაფერი ნამდვილად არის კითხვის ნიშნების მატარებელი. ეს საქმე ნამდვილად არ ჩანს კარგად და არ ტოვებს მიუკერძოებლობის და ობიექტურობის განცდას“, - განაცხადა ეკა ბესელიამ.

პარლამენტის პლენარულ სხდომაზე ეროვნული ბანკის პრეზიდენტის კობა გვენეტაძის მოსმენა მიმდინარეობს. განხილვის მთავარი თემა “თიბისი ბანკთან“ დაკავშირებით ეროვნული ბანკის მიერ მიღებულ გადაწყვეტილებები და ასევე, საცალო დაკრედიტების შესახებ ამოქმედებული რეგულაციებია.