ჭიაბერაშვილი გვენეტაძეს - ადრე თქვენზე ვთქვი, რომ „თიბისიზე“ შეტევისას მსხვერპლი ხართ, რადგან თქვენს აკანკალებულ ხელებს  ვხედავდი - დღეს გიყურებდით და თქვენ ჩვეულებრივი ჯალათი იყავით

„როდესაც თქვენ კომიტეტზე გამოცხადდით, მე ვთქვი, რომ „თიბისი ბანკზე“ მთელ ამ ორკესტრირებულ შეტევაში ეროვნული ბანკის პრეზიდენტიც მსხვერპლია-მეთქი, ვინაიდან ვხედავდი რა თქვენს აკანკალებულ ხელებს და გაწითლებულ სახეს, მაგრამ დღეს გიყურებდით ტრიბუნაზე გამოსვლისას და თქვენ, ჩვეულებრივი ჯალათი იყავით,“ - ამ სიტყვებით „ევროპული საქართველოს“ წევრმა ზურაბ ჭიაბერაშვილმა ეროვნული ბანკის პრეზიდენტს კობა გვენეტაძეს „თიბისი ბანკის“ საქმესთან დაკავშირებით პარლამენტის პლენარულ სხდომაზე მიმართა.

ზურაბ ჭიაბერაშვილის თქმით, ფინანსური მონიტორინგის სამსახურის მიერ ფულის გათეთრების მუხლით ამ საქმის დაწყება ერთადერთი საშუალება იყო იმისთვის, რომ ეროვნულ ბანკს ძველი წლების საქმეში „ხელი ეფათურებინა“.

„როდესაც თქვენ კომიტეტზე გამოცხადდით, ეს არ იყო კომიტეტზე გამოცხადება იმიტომ, რომ თქვენ პასუხებს თავი აარიდეთ. მაშინ ჩემს გამოსვლაში ვთქვი, რომ „თიბისი ბანკზე“ მთელ ამ ორკესტრირებულ შეტევაში ეროვნული ბანკის პრეზიდენტიც მსხვერპლია-მეთქი, ვინაიდან ვხედავდი რა თქვენს აკანკალებულ ხელებს და გაწითლებულ სახეს, მაგრამ დღეს გიყურებდით ტრიბუნაზე გამოსვლისას, თქვენ უკვე მსხვერპლი აღარ იყავით, ჩვეულებრივი ჯალათი იყავით, რომელიც ფაქტებს შეგნებულად არასწორად წარმოაჩენდით.

მე თქვენ გამოგიგზავნეთ წერილი, რომ 2010-დან 2018 წლების ჩათვლით გაგეცათ პასუხი, რომელი ბანკი როდის იქნა თქვენს მიერ შემოწმებული. პასუხად მაწვდით წერილს, სადაც ნათქვამია, რომ მხოლოდ 2013 წლიდან იქნება ეს ინფორმაცია იმიტომ, რომ ექვსზე მეტი წლის წინანდელ ინფორმაციას ანადგურებთ. ბევრს რომ ლაპარაკობთ აქ, რომ 6 წლის წინაც შეგვეძლო ბანკის შემოწმებაო, თქვენ თვითონ მეუბნებით, რომ 6 წლის წინანდელი დოკუმენტაცია არა გაქვთ და აქ თქვენ ლაპარაკობთ 2007-2008 წლების ტრანზაქციაზე, რაც პირდაპირი ტყუილია. პირდაპირ გეუბნებით, რომ ფინანსური მონიტორინგის სამსახურის მიერ ფულის გათეთრებით ამ საქმის დაწყება იყო ერთადერთი საშუალება, თქვენ უკანა რიცხვით ხელი გეფათურებინათ იქ, სადაც არანაირი დანაშაული თავის დროზე არ ყოფილა,“ - მიმართა ჭიაბერაშვილმა გვენეტაძეს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს