ლევან ბოძაშვილი - ევროკავშირის წევრობის გზა სამართლიან მართლმსაჯულებაზე, ბიზნესის დაცულობასა და დემოკრატიაზე გადის და არა იმაზე, ვინ შევა და ვინ გამოვა ევროკავშირიდან

ევროკავშირის წევრობის გზა სამართლიან მართლმსაჯულებასა და კონსოლიდირებულ დემოკრატიაზე გადის და იმაზე, ვინ გავა და ვინ გამოვა ევროკავშირიდან, - ამის შესახებ „ინტერპრესნიუსს“ უშიშროების საბჭოს მდივნის ყოფილმა მოადგილე ლევან ბოძაშვილმა განუცხადა.

ბოძაშვილი პრეზიდენტ სალომე ზურაბიშვილის მიერ „ბლუმბერგთან“ ინტერვიუში გაკეთებულ განცხადებას გამოეხმაურა იმის თაობაზე, რომ საქართველომ უნდა გამოიყენოს შესაძლებლობა, რომელსაც ევროკავშირიდან დიდი ბრიტანეთის გასვლა წარმოადგენს და წინ წაწიოს თავისი გაწევრიანების საკითხი.

„საფრანგეთის პრეზიდენტი მაკრონი უკვე მეორე წელია ევროპას 2-დონიან, ე.წ. 2-სიჩქარიან ევროკავშირს სთავაზობს. როგორი იქნება ევროკავშირი ბრექსიტის შემდეგ, ჯერ არავინ იცის, ანუ რომელ დონეში გაჩნდება "ვაკანსია" ჯერ ნაადრევია ამაზე საუბარი. ამასთან, საკითხავია ისიც, როგორ სახეს მიიღებს ევროკავშირში სრული წევრობა. გარდა ამისა, ევროპარლამენტი საკუთარ რეზოლუციაში გვეუბნება, რომ ასოცირების ხელშეკრულების მე-4 წლისთავზე მისი განხორციელება არ ვიცით და მთელ საჯარო სამსახურს გადამზადება სჭირდება. აქედან გამომდინარე, ვფიქრობ, ჯერ ამაზე გვაქვს სერიოზულად საფიქრალი. მეორეც - ევროკავშირში წევრობა სასამართლოს სამართლიანობაზე, სამართლის უზენაესობაზე, ბიზნეს გარემოს დაცულობასა და კონსოლიდირებულ დემოკრატიაზე გადის. მაშინ, როდესაც ქვეყანა ჯერ კიდევ ევროპის საბჭოს მონიტორინგის ქვეშაა, ანუ უკვე 20 წელია სასურველ დემოკრატიულ სტანდარტს ვერ მივაღწიეთ, სჯობს ჯერ ამ პრობლემებს მივხედოთ. სწორედ ამ პობლემების მოგვარებაზე გადის ევროინტეგრაციის გზა და არა იმაზე, ვინ შევა და ვინ გამოვა ევროკავშირიდან. რაც შეეხება პრეზიდენტის განცხადებას, კარგად მესმის, რატომაც ამბობს ამას, თუმცა, ჯერ განვითარების საჭირო დონეს ჩვენ თვითონ უნდა მივაღწიოთ.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს