საპარლამენტო უმრავლესობის წევრი ლევან კობერიძე სახელმწიფო დეპარტამენტის ანგარიშზე ეროვნული ბანკის პრეზიდენტის პოზიციით დაინტერესდა. ლევან კობერიძე ანგარიშის იმ ნაწილით დაინტერესდა, სადაც ფულის გათეთრებაზეა საუბარი. დეპუტატი კობა გვენეტაძეს სთხოვს განმარტებას თუ რასთან შეიძლება ჰქონდეს საქმე ქვეყანას - იყო რაიმე შეცდომა თუ არასწორი ინფორმაცია.

„სახელმწიფო დეპარტამენტის ანგარიშში, რომელშიც არის ასეთი ფრაზა, რომ არალეგალური შემოსავლების დიდი ნაწილი საქართველოში საბანკო თაღლითობას უკავშირდება და ამასთან დაკავშირებით ძალიან მნიშვნელოვანია თქვენი როგორც რეგულატორის პოზიცია და ძალიან მკაფიოდ უნდა დააფიქსიროთ და ახსნათ ეს რასთანაა დაკავშირებული - რაიმე შეცდომაა, რაიმე არასწორი ინფორმაციაა თუ რასთან გვაქვს საქმე. ანგარიშში კი არის მითითიებული, რომ ეს შეიძლება ოკუპირებულ ტერიტორიებს უკავშირდებოდეს, მაგრამ ამის მიუხედავად თქვენი პოზიცია მკაფიოდ უნდა გაჟღერდეს პარლამენტში ამასთან დაკავშირებით“, - განაცხადა ლევან კობერიძემ.