კობა გვენეტაძე - სასამართლომ გადაწყვიტოს, რამდენად სამართლიანები, ან არასამართლიანები ვიყავით „თიბისი ბანკთან“ დაკავშირებით

ბატონი ბადრი ჯაფარიძე და ბატონი მამუკა ხაზარაძე ეროვნულ ბანკთან სასამართლო დავას განაგრძობენ და როგორც ცივილიზებულ სამყაროშია, სასამართლომ გადაწყვიტოს ის, თუ რამდენად სამართლიანები, ან არასამართლიანები ვიყავით დამფუძნებელ აქციონერებთან დაკავშირებით, - ამის შესახებ ეროვნული ბანკის დირექტორმა, კობა გვენეტაძემ პარლამენტის სესიაზე განაცხადა.

აღნიშნულით, მან დეპუტატ ეკა ბესელიას კითხვას გასცა პასუხი, თუ რამდენად თანმიმდევრული და პროპორციული გადაწყვეტილებები გამოიყენა ეროვნულმა ბანკმა „თიბისი ბანკის“ საქმესთან დაკავშირებით.

„ქალბატონო ეკა, ჩამოვაყალიბე ის, თუ საიდან დაიწყო ზოგადად, ეს შემთხვევა, რატომ დავინტერესდით ჩვენ. ამას ჩვენი მანდატი, კანონმდებლობა გვავალდებულებდა. ზუსტად აქედან დაიწყო ამ საკითხის გამოკვლევა. რაც შეეხება იმას, რამდენად თანმიმდევრული და პროპორციული იყო გადაწყვეტილებები, რაც გამოვიყენეთ, ვფიქრობთ, რომ აბსოლუტურად პროპორციული იყო, აბსოლუტურად ადეკვატური იყო. მოგეხსენებათ, ბატონი ბადრი და ბატონი მამუკა სასამართლო დავას განაგრძობენ ეროვნულ ბანკთან და როგორც ცივილიზებულ სამყაროშია, სასამართლომ გადაწყვიტოს ის, თუ რამდენად სამართლიანები, ან არასამართლიანები ვიყავით დამფუძნებელ-აქციონერებთან დაკავშირებით“, - განაცხადა გვენეტაძემ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან