2007 წლის ოქტომბრამდე რომან გოცირიძე ეროვნული ბანკის პრეზიდენტი იყო - ზუსტად ამ დროს ხდებოდა ბანკის ის აგრესიული ზრდა და კაპიტალის დარღვევა შეუჩერებლივ, რამაც ბანკი მოწყვლადი გახადა, - აღნიშნული განცხადება პარლამენტის ტრიბუნიდან ეროვნული ბანკის პრეზიდენტმა კობა გვენეტაძემ “თიბისი ბანკზე“ საუბრისას გააკეთა.
“ამასთან დაკავშირებით არანაირი ზომები არ იქნა მიღებული იმ 10 თვეში, როცა ბატონი რომანი მუშაობდა. დიახ, საბანკო-საფინანსო სისტემა იმ თანხებმა გადაარჩინა, რომელიც 2008 წლის ომის შემდეგ შემოვიდა“, - განაცხადა კობა გვენეტაძემ
ეროვნული ბანკის პრეზიდენტმა აღნიშნა, რომ “თიბისი ბანკმა“ 2009 წლის დასაწყისში მიიღო 69 მილიონი ლარი კაპიტალში და 74 მილიონი - სუბოორდინირებული სესხი. მან აქვე ის უცხოური ორგანიზაციები დაასახელა, რომლისგანაც “თიბისი ბანკმა“ კაპიტალი მიიღო.