დავით ჭიჭინაძე - გოჭის თავს რომ ჩამოატარებენ სუფრაზე, ისე ჩამოგვიტარებთ ამ მინისტრებს და ვამთავრებთ სხდომებს მხიარულად

გოჭის თავს რომ ჩამოატარებენ სუფრაზე, ისე ჩამოგვიტარებთ ამ მინისტრებს, ეროვნული ბანკის პრეზიდენტს და ვამთავრებთ ამ ჩვენს სხდომებს მხიარულად, - ამის შესახებ პარლამენტის დამოუკიდებელმა დეპუტატმა დავით ჭიჭინაძემ ეროვნული ბანკის პრეზიდენტის გამოსვლის შეფასებისას განაცხადა.

დეპუტატმა სხდომაზევე გამოთქვა უკმაყოფილება იმასთან დაკავშირებით, რომ მან ეროვნული ბანკის პრეზიდენტისგან მის მიერ დასმულ კითხვებზე პასუხი ვერ მიიღო. დეპუტატმა პარლამენტის თავმჯდომარეს მიმართა, რა გააკეთონ დეპუტატებმა, რათა დასმულ კითხვებზე პასუხი მიმართონ.

„სამი-ოთხი საათი ადამიანს კითხვებს ვუსვამთ, შეზღუდულ დროში ვცდილობთ მოსახლეობის კითხვების მაქსიმალური კონცენტრაცია მოვახდინოთ და საბოლოო ჯამში საზრიანთა კლუბში კაპიტნების შეჯიბრი რომ არის - შეიკრიბებიან ერთ წუთში სათათბიროში და რაღაც პასუხები უნდა გასცენ, ისე დადგებიან, მერე გამოვლენ და აქ ხუმრობისთვის არიან მოსულები მგონი. ნახევარ კითხვებს პასუხს არ სცემენ, ნახევარს - როგორც თვითონ ჩათვლიან საჭიროდ და წყვეტენ - გაგვცენ თუ არა პასუხი. მე მქონდა კონკრეტული კითხვა, რომელიც მოსახლეობას ძალიან ადარდებს და პასუხი ვერ მივიღე. ამიტომ რა ქმედებაზე უნდა გადავიდეთ? შეფასება ამათ არ აქვთ, ორიანი რომ დავუწეროთ. გამოდის, რომ ისევ და ისევ გოჭის თავს რომ ჩამოატარებენ სუფრაზე, ისე ჩამოგვიტარებთ ამ მინისტრებს, ეროვნული ბანკის პრეზიდენტს და ვამთავრებთ ამ ჩვენს სხდომებს მხიარულად. მერე იძახით, რომ მაგარი ეფექტური სხდომები გვაქვსო“, - განაცხადა დავით ჭიჭინაძემ.

იხილეთ ვიდეო

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს