როგორც მოქალაქეს შეიძლება კითხვებიც მქონდეს, მაგრამ დარწმუნებული ვარ გამოძიება ობიექტურად ჩატარდება და ყველა კითხვას პასუხი გაეცემა, - ამის შესახებ „ქართული ოცნების“ მერობის კანდიდატმა გეგა შენგელიამ განაცხადა. მისი თქმით, კერზაიას ოჯახი მისი ახლობელია და ის ამ ტრაგედიას ადამიანურად განიცდის.

„ძალიან ვწუხვარ ამ საკითხთან დაკავშირებით, ეს ოჯახი ჩემი ახლობელია და ადამიანურად განვიცდი ამ ტრაგედიას. როგორც მოქალაქეს, შეიძლება კითხვებიც მქონდეს, მაგრამ დარწმუნებული ვარ გამოძიება ობიექტურად ჩატარდება და ყველა კითხვას გაეცემა პასუხი. ჩვენ ამ არჩევნებზე ვიმუშავებთ ხალხთან ურთიერთობის პრინციპით და მათი მხარდაჭერით“, - აღნიშნა შენგელიამ.

ზუგდიდის მე-6 საჯარო სკოლის დირექტორი ია კერზაია 2018 წლის 9 დეკემბერს გარდაიცვალა. კერზაიას შვილი ბაჩანა შენგელია დედის ჯანმრთელობის მდგომარეობის გაუარესებას მასზე განხორციელებულ პოლიტიკურ ზეწოლას უკავშირებს.