ეკა ბესელია  -  როცა მოსახლეობას აყურებინებ, რომ წითელს და მწვანეს ვერ გაარჩევ და ასეთი ქაოსის სურათს ქმნი პარლამენტის სახით, ეს ჩემთვის ძალიან მტკივნეული საყურებელია

როცა მოსახლეობას აყურებინებ, რომ წითელს და მწვანეს ვერ გაარჩევ და ასეთი ქაოსის სურათს ქმნი პარლამენტის სახით, ეს ჩემთვის ძალიან მტკივნეული საყურებელია, - ამის შესახებ დეპუტატმა ეკა ბესელიამ ჟურნალისტებს განუცხადა.

მისი თქმით, წლების მანძილზე ძალიან ბევრი რამ გააკეთა ინსტუტუციების სიძლიერისთვის კოლეგებთან ერთად და დღეს პარლამენტი ძალიან ცუდ დღეშია.

„დღეს, სამწუხაროდ, პარლამენტი ქვეყანაში ისეთ ორგანოს განასახიერებს, რომელსაც ფერების, მესიჯების, ადრესატების და ახლა უკვე კანონპროექტების არევის კუთხით აქვს განსაკუთრებული სიახლეების პრეტენზია. ეს დარჩება საქართველოს პარლამენტარიზმის ყველაზე ნეგატიური და უარყოფითი სახე.

მე ვისურვებდი, რომ პირველ რიგში პარლამენტის თავმჯდომარე და დანარჩენებიც, ვინც მნიშვნელოვან პოზიციაზე არიან, დაკავდნენ არა პერსონალური შურისძიებებით და ასეთი გარჩევებით საკუთარ კოლეგებთან, არამედ იმით, რომ ქვეყნის უმაღლეს საკანონმდებლო ორგანოს ჰქონდეს კარგი იმიჯი“, - განაცხადა ეკა ბესელიამ.

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ