დიღმის მასივში აფეთქებამ  კორპუსი და ეზოში მდგარი ავტომობილები მნიშვნელოვნად დააზიანა

დიღმის მასივში მომხდარი აფეთქების შედეგად, დაზიანებულია ორი საცხოვრებელი კორპუსი. აფეთქება დიღმის მასივში, მეოთხე კვარტლის მე-5 კორპუსის მე-4 სართულზე 12 საათსა და 10 წუთზე მოხდა. დანგრეულია იმ ბინის კედელი, სადაც აფეთქება მოხდა. ასევე, დაზიანებულია მეორე და მეოთხე სართულის კედლები.

აფეთქების შედეგად გამოწვეული ძლიერი წნევის გამო, ჩამსხვრეულია მოპირდაპირე კორპუსში ფანჯრები. ასევე, დაზიანებულია 5 ავტომობილი, შედეგად ნანგრევები დაეცა. დიღმის მასივში მომხდარი აფეთქების შედეგად საავადმყოფოში 7 ადამიანია გადაყვანილი, აქედან ერთ-ერთი 7 თვის ბავშვია.

შსს-ს ინფორმაციით, დაშავებულთა სიცოცხლეს და ჯანმრთელობას საფრთხე არ ემუქრება.

ადგილზე კვლავ მობილიზებულია 10-ზე მეტი სახანძრო-სამაშველო ბრიგადა, რამდენიმე ათეული საპატრულო ეკიპაჟი. ადგილზე მუშაობენ ექსპერტ -კრიმინალიტები.

უსაფრთხოების ზომების გამო, პოლიციას პერიმეტრი გადაკეტილი აქვს. ევაკუირებულია მე-5 კორპუსში მცხოვრები ყველა მოქალაქე.

აფეთქება, სავარაუდოდ, გაზის გაჟონვამ გამოიწვია.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს