„ცენტრ პოინტის" საქმის ერთ-ერთ ეპიზოდზე დღეს, შესაძლოა, მაია რჩეულიშვილის მიმართ განაჩენი გამოაცხადონ

ცენტრ პოინტის" საქმეზე "მიონის" ეპიზოდზე დღეს, შესაძლოა, თბილისის საქალაქო სასამართლოში ბრალდებული მაია რჩეულიშვილი დაკითხონ. აღნიშნული საქმე დასკვნით ეტაპზეა.

დღევანდელ სხდომაზე მხარეებმა დასკვნითი სიტყვა უნდა წარმოთქვან. ამის შემდეგ მოსამართლე სათათბიროდ გავა და გამორიცხული არ არის, განაჩენი დღესვე გამოაცხადოს, ვინაიდან, 10 აპრილს, საქმეს ორწლიანი განხილვის ვადა ეწურება.

როგორც საქმის პროკურორი, დავით გუმბერიძე აცხადებს, პროკურატურას ერთ-ერთი ბრადებულის ჩვენება აქვს, რომელიც მაია რჩეულიშვილის მიმართ უშუალოდ მამხილებელ ჩვენებას იძლევა. საუბარია, ქეთევან ჟორდანიაზე, რომელიც სწორედ იმ ობიექტის ხელმძღვანელი პირი იყო, საიდანაც მოხდა თანხების მითვისება.

როგორც გუმბერიძე აცხადებს, ბრალდების მხარეს გამამტყუნებელი განაჩენის მოლოდინი აქვს. მისივე თქმით, თუკი, სასამართლო გამამტყუნებელ განაჩენს გამოიტანს, სასჯელი იმაზე უფრო მკაცრი იქნება, ვიდრე რჩეულიშვილს სასამართლომ სხვა ეპიზოდზე განუსაზღვრა.

მაია რჩეულიშვილსა და ქეთევან ჟორდანიას ბრალი სისხლის სამართლის კოდექსის 180-ე მუხლის მე-3 ნაწილით აქვთ წარდგენილი, რაც თაღლითობას გულისხმობს.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)