აშშ-ს შიდა უსაფრთხოების დეპარტამენტის ხელმძღვანელი კირსტიენ ნილსენი თანამდებობას ტოვებს. ამის შესახებ „ტვიტერის“ საკუთარ გვერდზე აშშ-ს პრეზიდენტმა, დონალდ ტრამპმა დაწერა.
„შიდა უსაფრთხოების დეპარტამენტის ხელმძღვანელი კირსტიენ ნილსენი თავის თანამდებობას ტოვებს. მინდა მადლობა გადავუხადო მას გაწეული სამუშაოსთვის“, - განაცხადა აშშ-ს პრეზიდენტმა.
უწყების ხელმძღვანელის მოვალეობის შემსრულებლად აშშ-ს საიმიგრაციო და საბაჟო კონტროლის სამსახურის ხელმძღვანელი, კევინ მაკელინენი დაინიშნა.
საინფორმაციო პორტალი Axios-ის ინფორმაციით, აშშ-ს პრეზიდენტი უკმაყოფილო იყო იმით, რომ ნილსენს საიმიგრაციო საკითხებში მკაფიო პოზიცია არ ჰქონდა ჩამოყალიბებული.