ევროკავშირის ელჩი საქართველოში კარლ ჰარცელი აცხადებს, რომ 19 მაისს დანიშნულ შუალედურ არჩევნებს ევროკავშირი ყურადღებით დააკვირდება. ამის შესახებ ჰარცელმა ჟურნალისტებს საკითხზე კომენტირებისას განუცხადა.

მისივე თქმით, რა ფორმით მიიღებს ევროკავშირი პროცესში მონაწილეობას, ჯერჯერობით უცნობია.

„რაც შეეხება შუალედურ არჩევნებს, მე არ ვარ დარწმუნებული რა მოდალობით მიიღებს ევროკავშირი ამ პროცესში მონაწილეობას, მაგრამ გარანტიას გაძლევთ ყურადღებით მივადევნებთ თვალს ამ მოვლენებს“, - განაცხადა ჰარცელმა.

შეგახსენებთ, რომ 19 მაისს 5 მუნიციპალიტეტში მერის და 8 მუნიციპალიტეტში საკრებულოს შუალედური არჩევნები გაიმართება.