აფხაზეთის ავტონომიური რესპუბლიკის უმაღლესი საბჭო დღეს ახალ თავმჯდომარეს აირჩევს.

თავმჯდომარის პოსტზე ორი კანდიდატურა, უმაღლესი საბჭოს დეპუტატები - დავით გვაძაბია და ჯემალ გამახარია განიხილება.

თავმჯდომარის არჩევისთვის 19 დეპუტატიდან 11 დეპუტატის მხარდაჭერაა საჭირო. არჩევნებს აფხაზეთის უმაღლესი საბჭო 5 წელიწადში ერთხელ ატარებს.

„კონსტიტუციის თანახმად, მაქვს უფლება კიდევ ერთხელ მეყარა კენჭი, მაგრამ ჩვენ შინაგანად ყოველთვის გვქონდა 5- წლიანი ზღვარი 2 ასეთი ხუწლიანი პერიოდი მოვილიე. მგონი საკმარისია. მოვა ახალი ხალხი, ახალი ხედვები და როგორც ამბობენ, რაც ხდება ყოველთვის უკეთესობისკენ ხდება“, - განუცხადა „ინტერპრესნიუსს“ აფხაზეთის უმაღლესი საბჭოს მოქმედმა თავმჯდომარემ, გია გვაზავამ.

ახალი თავმჯდომარის არჩევის შემდეგ, ყოფილი თავმჯდომარე დეპუტატის რანგში კვლავ უმაღლეს საბჭოში დარჩება.