ლიბიაში შეიარაღებული დაპირისპირების შედეგად 32 ადამიანი დაიღუპა, 50 კი დაიჭრა

ლიბიაში ტრიპოლისთან შეიარაღებული შეტაკებების შედეგად 32 ადამიანი დაიღუპა, ხოლო 50 კი დაიჭრა. ამის შესახებ ინფორმაციას სააგენტო „ფრანს-პრესი“ ავრცელებს.

შეგახსენებთ, რომ გუშინ ლიბიის ეროვნული თანხმობის მთავრობის საჰაერო ძალებმა ფელდმარშალ ხალიფ ხაფტარის ჯარებს ავიადარტყმები მიაყენეს.

ლიბიაში მდგომარეობა ბოლო დღეების განმავლობაში განსაკუთრებით დაიძაბა. ხაფტარის ჯარმა, რომელიც ეროვნული თანხმობის მთავრობის დამხობას ცდილობს, ტრიპოლის აეროპორტი დაიკავა და დედაქალაქთან ახლოს მდებარე რამდენიმე რაიონზე კონტროლი დაამყარა.

დღეს ლიბიაში ორხელისუფლებიანობაა: აღმოსავლეთში, ქალაქ ტობრუკში პარლამენტია, ტრიპოლიში კი - ეროვნული თანხმობის მთავრობა.