ენერგოომბუდსმენი დიდ დიღომში მომხდარ აფეთქებაზე - დადასტურდა ჩვენი ეჭვი, რომ „ყასტრანსგაზის" თანამშრომლებმა ეს ობიექტი არაჯეროვნად შეამოწმეს

ენერგოომბუდსმენმა სალომე ვარდიაშვილმა, დიდ დიღომში, 16 იანვარს მომხდარ აფეთქებასთან დაკავშირებით მოკვლევა დაასრულა.

როგორც ენერგოომბუდსმენმა დღევანდელ პრესკონფერენციაზე განაცხადა, მომხდართან დაკავშირებით, დადასტურა ეჭვი, რომ აღნიშნული ობიექტი „ყანსტრანსგაზის" თანამშრომლებმა არაჯეროვნად შეამოწმეს.

„რაც შეეხება დიდი დიღმის აფეთქებას, თქვენ იცით, რომ ჩვენ დოკუმენტებს ველოდებოდით იმისათვის, რომ გვეთქვა ჩვენი პოზიცია, რასაც დოკუმენტები გვიკარნახებდა და არა ზეპირი კომუნიკაცია. სამწუხაროდ, დადასტურდა ის ეჭვი, რომ თვითონ კომპანიის თანამშრომლებმა ამ ობიექტის შემოწმების დროს არაჯეროვნად შეარულეს თავისი საქმე, ვინაიდან პირველი გამოძახების შემთხვევაში, 20 წუთის განმავლობაში იმყოფებოდნენ ობიექტზე და იქ საფრთხის წყარო ვერ აღმოაჩინეს. ხოლო მეორე გამოძახების დროს, სულ 49 წამი იმყოფებოდნენ ობიექტზე, რაც საერთოდ გამორიცხავს იქ რაიმე ტიპის მოკვლევის, შემოწმების ან გამოვლენის შესაძლებლობას, ასე რომ ამ კუთხით, ეს ჩემთვის, როგორც საზოგადოებრივი დამცველისთვის, დადასტურებულია, რომ ყველა ღონე არ იხმარა კომპანიის წარმომადგენელმა, რომ პრევენცია განხორციელებულიყო", - განაცხადა სალომე ვარდიაშვილმა.

როგორც ენერგოომბუდსმენმა აღნიშნა, შემოწმების აქტებში ასევე ვერ ნახა ინფორმაცია, თუ რა ტიპის შემოწმება განხორციელდა უბედური შემთხვევის ადგილზე, რადგან ის მწირი ინფორმაცია, რაც დოკუმენტებშია მითითებული, არ აძლევს ამის საშუალებას.

„არ მაქვს საშუალება, რომ გამოვიკვლიო, ეს მოხდა მხოლოდ ვიზუალურად თუ დანადგარებით. თვითონ შემოწმების აქტი მოიცავს ძალიან მწირ ინფორმაციას. მესმის, რომ ადგილზე ამის გაკეთება შეიძლება ძნელია და სწორედ ამიტომაც ეს აქტები ზოგადად შეიცავენ მწირ ინფორმაციას, მაგრამ მიმაჩნია, რომ ეს აუცილებლად იქნება ჩვენი მითითების საგანი მომავალში. ჩვენ აუცილებლად მოვთხოვთ, რომ იქ ჩაიწეროს ზუსტი ინფორმაცია და ამასთან დაკავშირებით რეგულაცია იქნება, სადაც არა მხოლოდ უბედური შემთხვევების, არამედ შემოწმების აქტებშიც მითითებული უნდა იყოს ის ინფორმაცია, რაც საერთო ჯამში, გამოდგება რაღაც პოზიციის ჩამოსაყალიბებლად", - განაცადა ენერგოომბუდსმენმა.

ცნობისთვის, აფეთქება თბილისში, დიდ დიღომში 16 იანვარს მოხდა. შემთხვევის შედეგად, ოთხი ადამიანი დაიღუპა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)