ბავშვზე ძალადობაში დადანაშაულებულ საბავშვო ბაღის აღმზრდელს ზუგდიდის რაიონულმა სასამართლომ 5000- ლარიანი გირაო შეუფარდა. ამის შესახებ „ინტერპრესნიუსს“ სასამართლოში განუცხადეს.
მშობელი მასწავლებელს 5 წლის ბავშვზე ფიზიკურ ძალადობაში ადანაშაულებს. მისი თქმით, აღმზრდელის მხრიდან ეს პირველი შემთხვევა არ არის და ბავშვზე ხელით შეხების ფაქტს თვითონ შეესწრო.
შს სამინისტრომ მასწავლებელს ბრალი 126-ე მუხლით წარუდგინა, რაც ძალადობას გულისხმობს.