„ლავას-ოღლის“ საქმესთან დაკავშირებით სასამართლო განაჩენს უახლოეს დღეებში გამოიტანს

კრიმინალური ავტორიტეტის მინდია გორაძის (იგივე „ლავას ოღლის“) ადვოკატის ალექსანდრე კობაიძის განცხადებით, ჯგუფურად გამოძალვის ორგანიზებასა და ძალადობის მუქარით ჟურნალისტისთვის პროფესიულ საქმიანობაში ხელის შეშლაში ბრალდებული მინდია გორაძის საქმესთან დაკავშირებით განაჩენს ბათუმის სასამართლო უახლოეს დღეებში გამოიტანს.

მისივე თქმით, 10 აპრილს ბრალდებისა და დაცვის მხარეები დასკვნით სიტყვას წარმოადგენენ.

როგორც ალექსანდრე კობაიძემ დღევანდელ პრესკონფერენციაზე განაცხადა, გორაძეს სასჯელის სახედ და ზომად 12 წლით თავისუფლების აღკვეთა დაუსწრებლად უკვე განესაზღვრა და არ შეიძლება პირმა ერთი და იგივე მუხლზე ორჯერ აგოს პასუხი.

„10 აპრილს, ბათუმის საქალაქო სასამართლოში, სადაც მიმდინარეობს მინდია გორაძის სასამართლო პროცესი, დასკვნითი სიტყვები უნდა ვთქვათ, როგორ ბრალდების, ასევე დაცვის მხარემ. ​არანაირი მტკიცებულება არ აქვს ბრალდების მხარეს, ვერსიებზე და ჭორებზეა აგებული ბრალდება. მაგრამ თეორიულად თუ დავუშვებთ და სასამართლო მაინც მიიჩნევს, რომ გამოიტანოს გამამტყუნებელი განაჩენი, სამართლებრივად ვერ მოხდება ამის აღსრულება. სასჯელის ნაწილში ვერ დადგება გამამტყუნებელი განაჩენი, იმიტომ, რომ კანონიერ ქურდობაზე მას უკვე მისჯილი აქვს 12 წელი და არ შეიძლება პირმა ერთი და იგივე მუხლზე 2-ჯერ აგოს პასუხი. სასამართლო გადაყვეტილება გასაჩივრებული გვაქვს უზენაეს სასამართლოში", - განაცხადა კობაიძემ.

მისივე თქმით, დაზარალებულები აცხადებენ, რომ მინდია გორაძეს მათთვის არაფერი გამოუძალავს და არანაირი კომუნიკაცია არ ჰქონიათ.

„თურქეთის რესპუბლიკაში ვიყავი, რათა აღმოფხვრილიყო მთელი რიგი დარღვევები და შეცდომები მის წინააღმდეგ, დაველობით ბათუმის საქალაქო სასამართლოს და იმედია, რომ შედეგს მივაღწევთ. შემდეგ უკვე გადავალთ იმ მნიშვნელოვან ფაზაზე და იმედი გვაქვს, რომ უზენაესი სასამართლო მოახდენს რეაგირებას არაფრისმთქმელ ბრალდებაზე დაფუძნებულ სარჩელზე და შეიცვლება მსჯელობაც და გადაწყვეტილებაც", - განაცხადა ადვოკატმა.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)