ბიძინა ივანიშვილის მიმართვა ამ შემთხვევაშიც განმსჭვალულია პატრიოტიზმით, სამშობლოს სიყვარულით და აქ არის სიღრმისეული ანალიზი, - ასე აფასებს საპარლამენტო უმრავლესობის ლიდერი არჩილ თალაკვაძე „ქართული ოცნების" თავმჯდომარის, ბიძინა ივანიშვილის ღია წერილს, რომელიც დღეს გამოქვეყნდა.
არჩილ თალაკვაძის განცხადებით, პარტიის თავმჯდომარის წერილი, ტრადიციულად, საინტერესოდ წასაკითხია.
„აქ არის სიღრმისეული ანალიზი 9 აპრილთან დაკავშირებით. 9 აპრილი არის ფუნდამენტი და წინაპირობა, ჩვენი ქვეყნის დამოუკიდებლობის სიმბოლო და თუ რა შეუძლია სამშობლოს სიყვარულით გაერთიანებულ ერს. ვფიქრობ, ეს გზავნილი არის ძალიან მკაფიოდ მოცემული ამ წერილში", - განაცხადა არჩილ თალაკვაძემ.